Babaye naapil og kasunog
CEBU, Philippines — Patay ang usa ka 36-anyos nga babaye human kini naapil pagkasunog iyang gipuy-an nga panimalay sa Barangay Tubod-Duguan, Lungsod sa Dumanjug, gabii sa adlaw'ng Domingo, Marso 31,2024.
Ang biktima mao si Leonilda Agbon Hambalos, 36, dunay kaipon ug lumad nga taga Kabangcalan, Probinsya sa Negros Occidental.
Sa imbestigasyon sa Dumanjug Fire Station nga linya sa kuryente ang posibleng hinungdan sa sunog kay nahibaw-an nila nga kanunay matod pa mag overnight charging sa mga gadgets ang namatay.
Layo matud pa sa silingan ang nasunog nga balay, dako na ang kalayo sa dihang nakamatikod ang ubang molupyo sa maong lugar.
Nakit-an sa kabomberohan sa Lungsod bsa Dumanjug ang nasunog nga lawas sa babaye sa panimalay niini nga naugdaw. Ang maong sunog nagbilin og danyos nga P84 mil.
Samtang upat ka balay ang naugdaw human nasunog sa Camp 2, Barangay Jaclupan, Dakbayan sa Talisay niadtong Domingo sa gabii.
Si Fire Chief Insp. Alvin Torion, fire marshal sa siyudad niingon nga giisa nila sa first alarm ang sunog mga alas 8:57 sa gabii. Nakontrolar kini alas 9:19 na sa gabii ug na fire out mga alas 9:24.
Matud pa ni Torion nga tulo ang totally burned samtang usa ang partially burned apan nagbilin kini og P375 mil nga danyos ug way tawong nasakitan. (BANAT NEWS)
- Latest
