91 porsyento sa mga jeepneys consolidated na
CEBU, Philippines — Gipahibawo sa pangu sa Land Transportation Franchising and Regulatory Board LTFRB-7 nga miabot na sa 91 porsyento sa franchise sa public utility jeepneys, traditional ug modernized dinhi sa Central Visayas ang consolidated na.
Apan suma pa ni LTFRB-7 regional director Eduardo Montealto Jr. nga sa higayon nga ma upgrade na ang ilang data base sigurado nga moabot na kini ug 100 percent.
“As of now, negligible na ang mga PUJs nga wa ma consolidate. Pero og ma upgrade na ni namo ang among data base, makita niya na nato nga 100 percent consolidated na kay kaning uban nga naa pa sa among lista kay na dropped na ni or gibaligya na sa operators ang ilang units. Pero mao lage limpyohan pa ni namo ang among data base,” suma ni Montealto.
Sa pagkakaron ang Central Visayas adunay 1,400 modernized jeepneys ug 800 traditional jeepneys ingon man 784 ka UV Express ang na consolidate.
“Sa atong mga jeepneys mao ni mga 91 percent ang consolidated unya ang UV Express kay dugay na ni sila na 100 percent consolidated na. Pero sa atong mga jeepneys dili tanan ani nila operational,” dugang ni Montealto.
Giklaro ni Montealto nga human sa Mayo 15, 2024 o sugod sa Mayo 16, 2024 kadtong mga jeepneys nga wala ma consolidate ang ikonsiderar na nga colorum ug mahimo nang dakpon sa mga otoridad.
Kahinumduman ang LTFRB-7 milugway sa ilang oras sa trabaho hangtud sa adlaw nga Sabado niadtong (April 14, 21 ug 28) gikan alas 8 sa buntag hangtud sa alas 5 sa hapon aron manawat og application alang sa consolidation gikan sa mga transport entities aron pagtuman sa national directive nga hatagan og higayon ang ubang individual operators nga makaapil sa industry consolidation diin gi-extend and deadline niadtong Abril 30, 2024.
Samtang ang mga sakop sa Pagkakaisa ng mga Samahan ng Tsuper at Opereytor Nationwide (Piston) dinhi sa Sugbo nanawagan nga ibasura ang Public Utility Vehicle Modernization Program (PUVMP), diin suma pa nila moresulta sa pagkawagtang na sa mga traditional jeepneys. —The Freeman
- Latest
