99 ka nasunogan nakadawat og tag P10 mil nga ayuda
CEBU, Philippines — Niabot ngadto sa 99 ka nasunogan sa Barangay Looc, Dakbayan sa Mandaue, niadtong Disyembre 9, 2020 ang nakadawat og tag P10 mil nga ayuda niadtong niaging Miyerkules nga funded ug initiated ni Senador Christopher Lawrence "Bong" Go pinaagi sa Emergency Housing Assistance Program sa National Housing Authority.
Ang maong mga nasunogan nakadawat na kaniadto og ayuda atol sa higayon nga sila nasunogan diin ang EHAP dugang ayuda kini.
Ang EHAP gipasiugdahan kini ni Go aron adunay magamit nga ipamalit og housing materials ang mga nasunogan.
Nihatag usab si Go og dugang hinabang gikan sa iyang kaugalingon nga bulsa sama sa grocery packs, vitamins, facemask ug uban pa ug adunay pa-raffle alang sa tanan.
Base sa kasayoran nga nakuha sa Banat News adunay daghan ang dili mahatagan gumikan kay base sa guidelines sa EHAP program sa NHA ang homeowners lang ang mahatagan.
Ang mga nakadawat sa ayuda pasalamaton kini. (BANAT NEWS)
- Latest
