Sobra P7 milyones shabu nasakmit

CEBU, Philippines — Nasikop sa buy-bust operation sa City Drug Enforcement Unit (CDEU) sa Cebu City Police Office (CCPO) ang usa ka High Value Individual sa Sitio Puntod 2, Barangay Mambaling, siyudad sa Sugbo kagahapon sa buntag. Nakuhaan kini og P6.8 milyones nga gidudahang shabu.

Ang dinakpan mao si Hazel Semontiza Barrera, 28, nagpuyo sa maong dapit. Nakuhaan matud pa ang suspek og 1,008 gramos nga gituohang shabu.

Nahibaw-an sa sa kapolisan nga maka-dispose ang dinakpan og usa ngadto sa duha ka kilong shabu kada buwan.

Gatuo ang kapulisan nga dugay na sa maong illegal nga kalihukan ang dinakpan tungod dinagko na ang mga transaksyon niini.

Sa laing operasyon,  upat ang nasikop sa kapolisan sa Dakbayan sa Talisay atol sa gihimo nga buy bust operation niadtong Miyerkules sa gabii gikan sa managlahing barangay sa dakbayan.

Unang nasikop si Eric Capiones, 49, ug ang giingong mamarukay nga si Edjem, 24, sa Barangay Tabunok. Nakuha gikan kanila ng pinaketeng shabu.

Samtang alas-2 sa kaadlawon niadtong Huwebes nadakpan sab silang Sin Rosell Toradio, 26, ug Calire Lapaz, 23, diha sa Barangay Tanke sa Dakbayan sa Talisay.

Si Toradio taga Duljo Fatima apan sa Talisay giingong naghagbongan og drugas. Nakuha gikan sa dinakpan ang drugas nga nibalor og P230 mil.

Samtang sa operasyon sa mga sakop sa City Intelligence Unit (CIU) Dakbayan sa Mandaue, nadakpan diha sa Sitio Malibu, Barangay Subangdaku sa miaging gabii.

Si Police  Major  Romeo  Caacoy  Jr. pangulo sa CIU sa Mandaue  City Police Office ang nagpahigayon sa buy bust operation nga miresulta sa pagkasikop kang Edgar Sadequillo,35.

Matud pa ni Caacoy dunay naghatag kanila og impormasyong namaligya kini og ilegal nga drugas hinungdan sa gihimong operasyon.

Nakuha gikan niya ang singko gramo nga gituohang shabu nga nagkantidad og P34mil.

Ang mga dinakpan gikatakdang kasohan og kalapasan sa Section 5 ubos sa Article 2  sa Republic Act 9165 o Comprehensive Dangerous Drug Act of 2002.

Sugod niadtong Nobiyembre 29 sa buntag hangtud Nobiyembre 30, 2023 dunay 59 ka tawong nadakpan sa anti-drug operations sa tibuok Central Visayas.

Samtang 54 usab  ka mga wanted ang nasikop, ang walo niini most wanted ug ang uban other wanted persons.

Duha ang nasikop may kalabutan sa loose firearms , duha niini ang napasakaan og kaso samtang 80 ang nadakpan tungod sa ilegal nga sugal ug 61 kanila ang napasakaan og kaso.

Samtang  dili mominos sa 2,265 ka mga malapason sa Local Ordinances ang nasita ug nakamulta tanan og moabot P1.4 milyon ngadto sa tagsa-tagsa nila ka LGUs. Decemay Padilla, Romeo Rowena Capistrano,  Gabriel Bonjoc (BANAT NEWS)