DENR nihimo og training alang sa animal wildlife handling

CEBU, Philippines — DENR nagpahigayon og Basic Animal Wildlife Handling sa mga kawani sa gobyerno aron sa paghatag og gibug-aton sa responsable nga human-wildlife interactions.

Ang Department of Environment and Natural Resources (DENR) Region 7 nagpahigayon sa mga kawani sa gobyerno og Basic Wildlife Handling Training niadtong Hunyo 13, 2024, diha sa Cebu Business Hotel, Cebu City.

Tumong niini ang paghatag og ideya sa mga responder sa gobyerno sa luwas nga pagtubag sa mga engkwentro sa wildlife lakip na ang pagsiguro sa kaluwasan sa publiko.

Ang maong aktibidad gipangulohan ni Rainier Manegro, head of Biodiversity & Wildlife diin gipakita ang sakto nga proseso sa pagrespondi kabahin sa makit-an nga mga banakon (cobra) niadtong miaging bulan sa nagkalain-laing lugar. 

Kini usab nga aktibidad adunay koordinasyon sa City Veterinarian nga gipanguluhan ni Dr. Alice Utlang, ug Dr. Jessica Maribojoc, Assistant City Veterinarian ug inubanan sa CREMDEC Training Team sa pagbansay sa mga partisipante.

Matud pa ni Dr. Utlang, gipahigayon kini nga training aron masayod ang mo responde sa ilang buhaton kun ugaling dunay masugatan nga mga wild animals.

"Tungod adtong mga citings [sightings] sa cobra before ug aron mga responsders kabalo mo handle sa mga wild animals in case naay tawag nila, apil mga taga dvmf," sigon ni Dr. Utlang.

Gitug-an ni Dr, Utlang nga ang budget nga gigamit alang niini gikuha gikan sa pundo sa Cebu City disaster.

Ang kalihukan gisalmotan sa mga kawani sa Cebu City Qrt 25, CCPO 6, BFP 5, CCENRO 4 ug ang DVMF 5. Jessa Grezil Bacus, CNU Intern/MEL