Notadong kawatan nisukol sa warrant servers, patay
CEBU, Philippines — Patay ang usa ka 39-anyos nga lalakeng gitumbok nga notadong kawatan human kini misukol sa mga sakop sa Regional Mobile Force Battalion (RMFB)-7 nga nag-serve sa iyang warrant of arrest diha sa Purok 3, Barangay Cantolaruy, Lungsod sa Sibonga, kagahapon sa alas 4 sa kaadlawon, Huwebes, Hunyo 20, 2024.
Ang nakalas mao si alyas Rebot, 39, usa ka mag-uuma ug residente sa naasoy nga lugar.
Sigon ni Police Lieutenant Exelsis Belciña, Officer-in-Charge sa 703rd Maneuver Company nisulod ang kapulisan sa gitukod nga kapilya diin matud pa naghigda ang ilang gipangita.
Apan dihang naablihan na kini gikatahong nag-atang na matod pa ang subject ug nagtion na kini sa iyang kalibre. 45 nga armas ug diretsong gipusil ang mga polis.
Swerte nga walay naigo sa mga polis apan dunay usa nga nasamdan human naigo og hait nga butang sa paglayat niini palayo sa suspek. Napugos sa pagbawos ang kapulisan nga miresulta sa kamatayon sa suspek.
"Nagapangawat siya sa mga lugar-lugar... Dili lang sa katong lugara pati sa nearby nga municipality like Argao saka Dumanjug noted na pud siya," sigon ni Belciña.
Ang warrant of arrest nga gi-serve sa 703rd Maneuver Company batok sa suspetsado sa iyaha kining kasong robbery nga nahitabo sa Barangay Apo, Lungsod sa Argao. (BANAT NEWS)
- Latest
