100 ka polis sa CCPO gipaubos sa kinalit nga drug test
CEBU, Philippines — Usa ka gatus ka police personnel gikan sa Police Station 1 hangtud sa Police Station 11 lakip ang mga non-uniformed personnel (NUP) sa Cebu City Police Office (CCPO) ang gipaubos sa surprise drug test kagahapon sa buntag. Ang maong drug test nga gipasiugdahan sa Cebu City Forensic Unit gipahigayon diha sa main building sa CCPO.
Matud ni Police Lieutenant Colonel Janette Rafter, deputy city director for administration sa CCPO nga quarterly buhaton ang drug test sa tanang personnel sa CCPO.
Ug kabahin kini sa ilang internal cleansing aron masiguro nga walay mga polis sa Siyudad sa Sugbo nga nalambigit sa ilegal nga drugas.
Ang polis nga magpositibo sa drug test ipaubos kini sa summary hearing procedure ug kong mapatud-an nga tiggamitan gyud kini og ilegal nga drugas posibleng mataktak kini sa serbisyo. (BANAT NEWS)
- Latest
