Pangsweldo napakdot sa Casino

CEBU, Philippines — Nadakpan sa manhut operation sa kapulisan sa Police Station 2 sa Cebu City Police Office(CCPO) ang liaison officer ug kolektor sa usa ka security agency nga nagbase diha sa General Maxilom Avenue human kini gipasanginlang nanguha og kwarta sa ilang opisina kay gisugal sa casino apan napildi.

Ang 35 anyos nga suspek nga taga Barangay Malubog, Dakbayan sa Sugbu nadakpan niadtong Biyernes sa hapon, Hunyo 14, 2024.

Midangop sa Police Station 2 ang operations manager sa security agency ug mi-report nga ang suspetsado gisugo nga magpa in cash og upat ka tseke nga nagkantidad og P543, 329 niadtong Hunyo 13, 2024 para pang sweldo ug  cash advance sa mga empleyado.

Apan giingong wala na kini dayun nibalik anang adlawa. Pagkasunod adlaw, Hunyo 14, 2024 sa alas-11 sa buntag nibutho sa ilang opisina ang suspek ug gi-remit ang P163,758  imbes P543,329  ug dali-daling nibiya.

Gisakiyo matod pa sa suspek ang kwarta nga nagkantidad og P379,571. Ang mga operatiba sa Police Station 2 uban sa operations manager sa gipuy-an sa suspek ug gidakop kini.

Wala na ma re-cover ang kwarta kapion P300 mil. Dihang ilaha kining gipangitaan, kini miangkon nga napakdot kini sa casino kay mao kini iyang gipusta.

Ang suspek mag-atubang og kasong qualified theft. (BANAT NEWS)