Habal-habal driver gipusil, giilogag motor

CEBU, Philippines — Samdan nga gidala sa Cebu City Medical Center ang habal-habal driver human matud pa kalit nga gipusil samtang namasahero diha sa Happy Valley sa Barangay  Guadalupem, Cebu City niadtong Biyernes sa hapon, Hunyo 14,2024.

Ang biktima giila nga si Agelio Bargamento, 50. Samtang duha ka armadong lalaki nga sakay og itom nga scooter ang gitumbok nga mipusil sa biktima.

Sumala pa sa mga polis kalit nga mibabag sa iyang atubangan ang mga mamumuno ug gipusil siya makausa ka higayon diha sa wala niyang batiis.

Dihang natumba ang biktima, gikatahong tiwasan unta kini apan naratol ang mga mamumuno kay duna dayuy mga tawong nipaduol sa lugar.

Ang usa sa mga mamumuno matud pa dali-daling mikuha sa motor sa b biktima ug mao kini gisakyan sa pag-ikyas.

Wala pay matumbok nga motibo ang Guadalupe Police Station 9 sa hinungdan sa maong pagpamusil.

Matud pa ni Police Major Miles Damoslog  ilahang gipaladman ang imbestigasyon sanglit wala magkatakdo ang pamahayag sa mga testigo sa pamahayag sa biktima kabahin sa hitabo.

Pagkumpol-kumpulin natin yung mga information na na-received namin tapos gagawan namin ng progress report, matud ni Damoslog.

Nakuha sa mga sakop sa Scene of the Crime Operatives (SOCO)  sa crime scene ang ang basiyo gikan sa gituohang .9mm nga bala.

Gibalhin og laing tambalanan ang biktima tungod kinahanglan kining operahan sa batiis. -- Irish L. Laborte John Mark P. Dejito, CNU ug PIT Interns/IBM