Paano sasabihin ang ‘Mahal Kita’……sa 7 malikhaing paraan?

Magpagawa ng sariling portrait at ito ang iregalo sa kanya.

Bumili ng love bird at ito ang iregalo sa mahal mo. Kung can afford ka at matagal pa ang Valentines Day, ang bilhing ibon ay talking bird at hilingin sa pet store na turuang magsalita ng “I LOVE YOU, (pangalan ng lover)”—ang ibon.

Gumawa ng sariling love letter. Mas romantic iyon kaysa greeting card na hindi galing sa iyo ang salitang nakatitik sa card.

Kung hindi ka magaling gumawa ng love letter, maikling love notes na lang  ang gawin mo, mga dalawang kopya. Isingit ang isa sa unan ng iyong mahal at isa pa ay sa bag o attach case niya. Pagtulog niya sa gabi ay mararamdaman niya ang papel na kinasusulatan ng love letter. Pagdating naman sa office ay mabubuklat niya ang isiningit mong love letter.

Sa umaga ng February 14, unahan mong pumasok sa toilet ang iyong mahal. Magsulat ng Valentine message sa mirror ng bathroom gamit ang basang sabon bilang pansulat. Ewan ko lang kung hindi mapangiti.

Gumawa ng jigsaw puzzle gamit ang picture ninyong dalawa. Pagtulungan ninyong buuin ito.

Magpagawa ng video kung saan pinagdugtong-dugtong mo ang mga nakaraang video kung saan kayo ay magkasama. Kung mag-asawa, huwag kalimutang isama ang video ng inyong kasal. Panoorin ito habang magkasalo kayo sa isang bowl na popcorn.