FPJ Panday Bayanihan party-list, tanggap ng masang Pilipino
CAVITE, Philippines — Malugod na tinanggap ng masa ang FPJ Panday Bayanihan Party-list dahil isa sa mga pangunahing dahilan nito ay ang walang hanggang pagmamahal ng mga tao kay Fernando Poe Jr. (FPJ), ang Hari ng Pelikulang Pilipino.
Sa isang consultative meeting sa Dasmariñas City, Cavite kamakailan ng mga lider at kinatawan ng Rizal Muslim Consultative Council (MCC), inihayag nila ang kanilang labis na pagsuporta para sa FPJ Panday Bayanihan party-list.
Pinagtibay rito ni Brian Poe Llamanzares, unang nominado ng FPJ Panday Bayanihan party-list para sa 2025 elections, ang kahilingan ng grupong Muslim na umiidolo kay FPJ na magtatag ng isang konsultatibong konseho sa mga lugar na may malaking populasyon ng mga Muslims at palawakin ang mandato ng National Commission on Muslim Filipinos.
Ayon sa political analyst na si Jun Villarica, tinatangkilik din ng iba’t ibang organisasyon ang FPJ Panday Bayanihan party-list dahil sa direktang integrasyon at konsultasyon ni Brian Poe Llamanzares, sa mga advocacy group at grassroots organization, gayundin ang pag-internalisa nito sa mga agenda ng bawat sektor.
Sa survey ng Tangere, nakakuha ng 1.22 percent ang FPJ Panday Bayanihan party-list at ika-20 sa 156 party-list groups habang ang Social Weather Station (SWS) survey ay naglagay rin sa FPJ Panday Bayanihan Partylist sa ika-11 na puwesto.
“Ang FPJ Panday Bayanihan party-list ay nakakuha ng momentum sa mga pangunahing sektor, kabilang ang kabataan, mga magsasaka, kababaihan, mga manggagawa, at mga walang tahanang matatanda, na nagbigay-daan sa partido na makakuha ng makabuluhang pananaw sa mga alalahanin ng masa at nakipagtulungan sila sa paglikha ng isang agenda ng bayan na isinasaalang-alang ang mga pangangailangan ng bawat sektor,” sabi ni Ricky Mallari, lider ng Volunteer Poe Kami Movement.
Ang dedikasyon ni Brian Poe ay sumasalamin sa hangarin ng kanyang lolo na si FPJ na tumakbong Pangulo ng bansa noong 2004 elections na nakakuha ng higit 11 milyong boto, na walang hanggan ang paglilingkod sa bayan.
Ang FPJ Panday Bayanihan party-list ay may plataporma rin na nakabatay sa mga haligi ng pagkain, kaunlaran, at katarungan, na naglalayong itaas ang antas ng mga nasa laylayan ng lipunan at itaguyod ang isang inklusibo at napapanatiling kinabukasan para sa bansa.
- Latest
