2 rider dedo sa salpukan ng motorsiklo

BUENAVISTA, Quezon, Philippines — Kapwa hindi na umabot pang buhay sa ospital ang dalawang rider kabilang ang isang bumbero matapos na magbanggaan ang magkasalubong na dalawang motorsiklo sa Barangay Wasay Ibaba ng bayang ito, kamakalawa. 

Ayon sa ulat ng Buenavista Municipal Disaster Risk Reduction and Management Office (MDRRMO), minamaneho ni Fire Officer 1 Emar Paje ang kanyang motorsiklo patungo sa Municipal Fire Station nang banggain ito ng kasalubong na motorsiklo na minamaneho ni Alfred Tolosa na galing sa Buenavista-Catanauan Road.

Dahil sa road crash, kapwa nagtamo ng grabeng pinsala sa ulo at katawan ang dalawa at mabilis na isinugod sa Magsaysay District Hospital sa Lopez , Quezon subalit kapwa nalagutan ng hininga. 

Ang backrider ni Tolosa na si Fevilla De Guzman ay sugatan sa insidente at ginagamot na sa nasabi ring ospital.