7-anyos totoy, nag-suicide

CAVITE, Philippines – Pinaniniwalaang dinamdam ng 7-anyos na totoy ang matinding sermon ng kanyang mga magulang kaya nagdesisyong magbigti sa likurang bahagi ng kanilang bahay sa Barangay Dap-Dap West, Tagaytay City, Cavite kamakalawa ng gabi.

Sa ulat ni PO2 Erlan Demate, dakong alas-6:30 ng gabi nang matagpuan ng kapitbahay ang nakabiting katawan ng biktimang si Joshua Bartolai sa likuran ng bahay sa Purok 18 sa nabanggit na barangay.

Naisugod pa sa ospital ang biktima subalit idineklarang patay ng mga doktor.

Nabatid na hindi pinahintulutan ng mga magulang na isailalim sa post-mortem examination ang bangkay ng bata sa paniniwalang walang naganap na foul play.