Empleyadang hinoldap sa Pasay, iniwan sa Batangas

BATANGAS, Philippines — Isang ba­baeng sales supervisor na hinoldap ng isang taxi driver sa Pasay City ang ini­wang nakagapos sa Na­sugbu, Batangas kama­kalawa.

Ang biktima ay nakila­lang si Fe Palenzuela-Cacanindin, 42-anyos, sales supervisor ng Tetra Technology Distributor Inc. at nakatira sa Bangkal, Ma­kati City.

Ayon sa ulat, sumakay ng taxi ang biktima patu­ngong Ding Velayo Complex sa Pasay ng holdapin ito ng driver habang na­katulog ang biktima at nang magising ay nakagapos na ang paa at kamay at wala na ang kanyang P68,000 cash. Iniwan sa gilid ng highway ang biktima sa Barangay Kaylaway, Na­sugbu kamakalawa ng gabi.Humingi naman ng tulong ang biktima sa mga nagdadaan kaya nadala ito sa pulisya.