5 pekeng ahente ng BI tiklo

ANGAT, Bulacan, Philippines – Limang kalalakihan na nagpapang­gap na mga ahente ng Bureau of Immigration and Deportation na pina­niniwalaang mga kasapi ng isang sindikato na nam­bibiktima ng mga negosyanteng banyaga ang naaresto ng pulisya sa entrapment operation sa Brgy. San Roque sa ba­­yang ito kahapon. Sa ulat na nakarating kay Provincial Di­rector Sr. Supt. Fernando Villanueva, nakapiit na ang mga suspek na sina Vincent Granada, Edgar Allan Grande, Ro­bert Romuar, Salvador at kapatid nitong si Manuel Mauyao; pawang sinampahan ng kasong kriminal. Ang mga suspek ay inaresto matapos ireklamo ng negosyanteng si Alvin Chua, residente sa lugar na nangingikil dito ng P100,000.00. Ang mga suspek ay nagpakita pa umano ng pekeng ID ng BI na agad nadakma sa entrapment operation dakong ala-1 ng hapon. Narekober sa mga suspek ang P3,500 marked money, mga pekeng Immigration Sheet, mga iba’t ibang I.D. ng mga dayuhang ne­gosyante kabilang ang mga bum­bay at intsik, Mitsubishi Adventure ( PLI-858 ), atbp.