Sekyu tinodas sa market demolition

BATANGAS, Philippines — Isang 47-anyos na security guard na kabilang sa demolition team ang iniulat na napa­tay habang 10 iba pa ang su­gatan makaraang ataki­hin at pagsasaksakin ng mga vendor sa bayan ng Cuen­ca, Batangas kaha­pon ng madaling-araw.

Kinilala ni P/Senior Supt Alberto Supapo, Batangas police director ang napas­lang na si Bernadin De Castro na nagtamo ng sak­sak sa dibdib saman­talang sugatan naman sina Lino Diocos, 40; Sonny Delos Reyes, 22; Alez Ma­calin­dong, 38; Lito Mala­ubang, 37; Jonel Noay, 24; Jimmy Vergara, 42; at si Michael Angelo Lacorte, 27, pa­wang sekyu ng Ithiel Corporation.

Nabatid na naglalagay ng perimeter fence ang mga biktima sa loob ng Cuenca Public Market nang atakihin at pagsa­saksakin ng grupo ng vendor.

Sugatan din ang tatlong vendor na sina Joseph Raposa, 37; Geronimo Cue­vas, 58; at si Geromo Cuevas, 35 na pawang ginagamot sa Martin Ma­rasigan Hospital.

Iniimbestigahan naman ng pulisya si Jenver Tirasol na pinaniniwalaang naka­saksak kay De Castro.

Nag-ugat ang kagulu­han dahil sa planong pag­sasapribado ng nabang­ git na palengke mula sa pa­mahalaang bayan ng Cuen­ca na mariin na­mang tinututulan ng mga vendor.