Kinidnap na peace volunteer nasagip

MANILA, Philippines – Matapos ang tat­long buwang pagka­kabihag, nailigtas ng mga awtoridad, ang Sri Lankan peace volunteer na si Umar Jaleel na kabilang sa nalalabi pang kidnap victim ng mga bandidong Abu Sayyaf Group sa ba­hagi ng Basilan, ayon sa opisyal kahapon.

Sinabi ni P/Senior Supt. Salik Maca­pan­tar, Basilan police director, nasagip ng kani­yang mga tauhan si Jaleel sa bisinidad ng Sitio Korelem, Brgy. Silangkum, sa bayan ng Tipo-Tipo.

Napag-alamang malaking tulong ang pakikipagnegosasyon ni Rashid Iklaman, board of director ng Bangsamoro Development Agency sa mga kidnaper para sa ma­bilis na pagpapalaya kay Jaleel.

Napag-alamang napilitang abando­nahin ng mga kidnaper si Ja­leel sa takot na maubos sa tumutugis na mga tauhan ng pulisya at ng tropa ng militar.

Sinabi naman ni Task Force Trillium Com­mander Alex Pa­ma na ang matin­ding pressure ang isina­gawa ng 1st Marine Brigade na pinamumu­nuan ni Brig. Gen. Rustico Guerrero la­ban sa mga kidnaper na nagbunsod sa ma­ta­gumpay na pagka­kaligtas kay Jaleel.

Si Jaleel ay binihag ng grupo ni Abu Sayyaf Commander Furuji Indama sa Lamitan City, Basilan noong Pebrero 13.

Sa kasalukuyan ay bihag pa rin ng mga bandido ang lending firm employee na si Leah Patris na dinukot noong Enero at ang tatlo pang guro ng Bangkaw-Bangkaw Ele­mentary School na sina Jocelyn Inion, Noemi Mandi at si Jo­celyn Enriquez na pawang dinukot noong Marso.

Magugunita na pi­nalaya ng mga ban­dido ang tatlong guro ng Landang Gua Ele­mentary School sa Sacol Island, Basilan na sina Quizon Freirez, Rafael Mayonada at Jeannette de los Re­yes noong Mayo 26 sa Brgy. Candiis, Moha­mad Ajul, Basilan noong Mayop 26. - Joy Cantos