Rebelyn rape-slay suspek todas sa NPA

MANILA, Philippines – Isa sa umano’y mga suspek sa pagdukot, pag­patay at panggagahasa sa isang titser na anak ng isang lider ng New Peo­ple’s Army ang pinagba­baril hanggang mapaslang ng mga hinihina­lang mi­yembro ng hit squad ng NPA sa J.P. Laurel, Da­vao del Norte nitong Linggo.

Kinilala ng pulisya ang nasawi na si Ruben Bitang, empleyado ng City Environment and Natural Resources at residente ng Panabo City sa naturang lalawigan.

Sinabi ng NPA-Southern Mindanao Regional Committee sa pamama­gitan ng ipinalabas nitong pahayag na si Bitang ang driver uma­no ng van na ginamit ng mga suspek sa pagdukot at pag­paslang kay Rebelyn Pitao sa Davao City noong Marso 5.

Ang biktima ay anak ni Leoncio Pitao alyas Kuman­der Parago na isa sa mga lider ng NPA sa Mindanao.

Sa inisyal na imbestigas­yon ni PO2 Dennis Persigas ng Panabo City Police Station, pauwi na si Bitang sa ta­hanan nito nang pagba­barilin at mapatay noong gabi ng Mayo 3 sa Purok Cogon 3, Brgy. J.P. Laurel.

Ang mga suspect ay lu­lan umano ng asul at dilaw na Honda XRM nang su­mulpot sa lugar at pagba­barilin ang biktima na agad binawian ng buhay sa tina­mong mga tama ng bala ng cal. 45 pistol.

Inako ni Ka Simon San­tiago, Regional Political Officer ng NPA-SMRC ang pagpaslang kay Bitang.