Estudyanteng lulong sa internet, ibiniting patiwarik

Dahil sa pagkalulong sa internet games ay nagbu­lak­bol at nagbenta ng kasangkapan sa bahay kaya ibini­ting pati­wa­rik ng ama ang sariling anak na hayskul student sa Barangay Quezon, General Santos City, South Cota­bato kamakalawa. Posibleng kasuhan ng kinau­ukulan si Romeo Balor dahil sa pagmamaltrato sa kan­yang anak na itinago sa pangalang Rico. Nabatid na na­tuklasan ng ama ang pagkawala ng kanilang kagamitan, gayon pa man wala naman siyang suspetsa kung sino ang nanloob sa kanila. Bunsod nito, binisita ng ama ang paaralan, su­balit nabigla ito nang sabihin ng guro na laging absent ang kanyang anak. Sa tulong ng ibang mag-aaral ay na­tag­puan si Rico na abala sa internet games kaya kina­lad­kad itong pauwi ng galit na ama. Pagdating ng bahay ay inamin ng bata na siya ang nagbenta ng kanilang gamit para may maipambayad sa internet games dahil kulang ang kaniyang baong pera na labis na ikinagalit ni Balor kaya ibinitin pati­warik sa punongkahoy ang anak. Agad na rumesponde ang mga bgy. tanod sa nasaksi­hang pag­paparusa ni Balor sa anak.

Sa presinto, inamin ni Balor ang ginawa at sinabing bahagi ito ng kanyang pagsuheto sa masamang bisyo ng kaniyang  anak na napapabayaan na ang pag-aaral. Pansa­mantalang ki­nuha ng mga social worker  ang bata para sa counseling. Joy Cantos