Gunman ng Abra solon, patay na

BANGUED, Abra —  Pinaniniwalaang patay na napaulat ang bumaril at naka­patay kay  Rep. Luis “Chito” Bersamin noong December 16, 2006 may ilang araw matapos isinugod sa ospital ang una sa Maynila, ayon sa ulat kahapon.

Si Salvador Barbosa, na gumamit din ng pangalang Dominador Barbosa, na itinuturo ng mga pulis na res­ponsable sa pagpatay kay Bersamin at sa kanyang bodyguard na pulis,  ay na­matay na sa matinding sakit na amoebiasis at leptospirosis matapos siyang isugod sa San Lazaro Hospital sa Manila.

Ayon sa sources, si Bar­bosa ay gumamit ng panga­lang Philip Bello Rivero no­ong isinugod siya sa na­banggit na ospital.

Sa text message, sinabi ni P/Chief Supt. Eugene Martin, police provincial director ng Cordillera Administrative Region, na naka­tanggap nga raw sila ng ulat na patay na si Barbosa subalit hindi pa nila makum­pirma kung totoo ang ulat.

 “Nalibing na nga raw siya, pero hindi pa namin ma­kumpirmang officially,” dagdag pa ni Martin.

Si Cong. Bersamin at ang kanyang bodyguard ay binaril at napatay habang papalabas ng Mt. Carmel Church sa Quezon City noong December 16, 2006. Myds Supnad