P1-M reward sa tipster ng ‘Sanchez bombing’

BATANGAS CITY – Naglaan na ng halagang P1 milyon ang isa sa mga tagasuporta ni Batangas Gov Armand Sanchez para sa makakapagturo sa mga suspek sa pambobomba ng kanyang sasakyan na ikinasugat ng gobernador at ikinasawi ng kanyang driver at security escort.

Gayunman, tumanggi si Atty. Ronnie Geron, ang administrator ng Batangas capitol na pangalanan ang supporter na nagpalabas ng P1 milyon.

Iniulat na nasa isang pagamutan na sa Metro Manila si Sanchez para sa kanyang pagpapagamot na posibleng umabot ng tatlong linggo matapos na magtamo ng 2nd degree burn bunga ng pagsabog.

Sinabi naman ng PNP na ang ginamit na bomba sa pagpapasabog sa sasakyan ni Sanchez ay TNT na ang lakas ay parang dinamita na gamit sa pangingisda at hindi C-4 na ginagamit ng AFP. (Arnell Ozaeta)