MILF rebels di pa makababalik sa Camp Abubakar

CAMP ABUBAKAR, Maguindanao – Wala pa ni isa man sa mga lider ng rebeldeng Moro Islamic Liberation Front (MILF) ang nakakabalik sa kampong ito na nabawi ng tropa ng pamahalaan sa kasagsagan ng all out war ng pamahalaan noong nakalipas na taon.

Ayon kay Brig. Gen. Raul Relano, Assistant Commander ng 6th Infantry Division ng Phil. Army na ang mga MILF ay paikot-ikot lang sa nasabing lugar at hindi pa sila nakakabalik.

Base sa nakalap na intelligence report ng militar na umaaligid lamang sa palibot ng Camp Abubakar ang nalalabing puwersa ng grupo nina MILF Chieftain Hashim Salamat, MILF Vice Chairman for Military Affairs Al Hadj Murad at iba pang lider ng kilusan.

Nabatid na ilan naman sa mga lider ng MILF ay pansamantalang nagbalikan sa kanilang mga tahanan sa ilang bayan ng Central Mindanao habang ang maliit na puwersa ay nasa kabundukan pa rin na madalas namamataang umaaligid sa palibot ng nasabing kampo. (Ulat ni Joy Cantos)