PDP-Laban, dumistansya sa banat ni Duterte vs Marcos

MANILA, Philippines — Nilinaw ng partidong PDP-Laban na iba ang kanilang pananaw kay dating Pangulong Rodrigo Duterte na direktang binabanatan si Pangulong Ferdinand Marcos Jr.

Ito ang sinabi nina PDP-Laban president at Palawan 2nd district Rep. Jose Alvarez, Cebu City Mayor Mike Rama at Senador Francis Tolentino sa isang press conference.

Sinabi ni Alvarez na walang maririnig na stand sa partido nila tungkol sa hirit ni Duterte na sangkot sa ilegal na droga si Marcos.

Kaya apela niya, huwag iugnay ang kanilang partido sa kanilang chairman na dating pangulo na nakikipag-usap lang sa publiko sa pamamagitan ng isang prayer rally.

“Let us not drag the party into it,” ayon pa kay Alvarez.

Nilinaw rin ni Alvarez na wala sa “combative mode” ang kanilang partido kontra sa administrasyong Marcos, taliwas naman sa ipinapakita ng kanilang chairman sa partido na si dating Pangulong Duterte.