‘Goring’ super typhoon na — PAGASA
MANILA, Philippines — Mas lumakas pa at naging super typhoon na ang bagyong Goring kahapon ng umaga na inaasahang magdadala ng malalakas na pag-ulan sa maraming bahagi ng bansa.
Sa ulat ng Philippine Atmospheric, Geophysical and Astronomical Services Administration (PAGASA), ang Super Typhoon Goring ay namataan sa Palanan, Isabela dakong alas-4:00 ng madaling araw. Taglay nito ang maximum sustained winds na 185 kilometers per hour malapit sa gitna at bugso na umaabot sa 230 kilometro bawat oras.
Sa 5 a.m. bulletin ng PAGASA, nakataas ang tropical cyclone wind Signal No. 3 sa extreme eastern portion ng Isabela (Divilacan, Palanan). Makakaranas ang mga lugar na ito ng 89 to 117 kph na hangin sa loob ng 18 oras.
Nakataas naman ang Signal Number 2 sa eastern portion ng mainland Cagayan (Peñablanca, Baggao, Gattaran, Lal-Lo, Gonzaga, Santa Teresita, Buguey, Santa Ana); eastern portion ng Isabela (Dinapigue, Ilagan City, Maconacon, Cabagan, Tumauini, San Pablo, Benito Soliven, San Mariano) at extreme northern portion ng Aurora (Dilasag, Casiguran).
Habang Signal Number 1 sa Babuyan Islands, rest of mainland Cagayan, rest of Isabela, Quirino, Nueva Vizcaya, Apayao, Kalinga, Abra, Mountain Province, Ifugao, eastern portion of Benguet (Bokod, Buguias, Kabayan, Mankayan), eastern portion of Ilocos Norte (Pagudpud, Adams, Vintar, Carasi, Nueva Era, Banna, Marcos, Dingras, Solsona, Piddig, Dumalneg, Bangui), northeastern portion of Nueva Ecija (Carranglan, Pantabangan, Bongabon, Gabaldon, Laur, Rizal), northern and central portions of Aurora (Dinalungan, Dipaculao, Baler, Maria Aurora, San Luis), Polillo Islands at Calaguas Islands.
- Latest
