Inflation sumipa sa 3.8% noong Abril - PSA

MANILA, Philippines — Iniulat kahapon ng Philippine Statistics Authority (PSA), ang bilis ng pagtaas ng presyo ng bilihin na lumampas sa target range ng pamahalaan na 2.0% hanggang 4.0%.

Ayon sa PSA, ang bilis ng pagtaas ng presyo ng bilihin at serbisyo ay nasa 3.8% noong Abril.

Ito ay mas mabilis kumpara sa 3.7% noong Marso. Ito na rin ang ikatlong sunod na buwan na bumilis ang inflation.

Gayunman, sinabi ni National Statistician at PSA Undersecretary Dennis Mapa na mas mabagal ang pagtaas ng presyo ng bigas.

“Yung average price ng rice ay bumaba nitong Abril. Ang rice inflation ay bumaba slightly [to] 23.9 percent noong Abril, average for all households at the national level versus 24.4 percent [in March],” saad ni Mapa.

Ayon sa PSA, ito na rin ang pinakamabilis na inflation mula noong Disyembre 2023 na umabot sa 3.9 percent.

Sa tala ng PSA, tumaas ang presyo ng mga food and non-alcoholic beverages na umabot sa 2.3 percentage points na pangunahing dahilan ng pagtaas ng inflation, kasunod ang transport prices na nasa 2.6 percent.

Naging dahilan din ang food inflation na nasa 57.9% o 2.2 percentage points sa overall inflation.

“Ang nakita namin, bumaba nang konti ang world price ng rice. Nag-peak siya noong Janua­ry 2024, and then may pagbaba nu’ng February and March, konti lang,” pahayag ng PSA.