3 pang player sa NBA selection

MANILA, Philippines - Tatlo pang NBA stars ang kukumpleto sa NBA Selection na lalaban sa Gilas Pilipinas sa “Gilas’ Last Home Stand” na nakatakda sa Hulyo 22-23 sa Smart Araneta Coliseum.

Ang pinakahuling naidagdag sa grupo ay sina Houston Rockets guard James Harden, Dallas Mavericks center Tyson Chandler at Detroit Pistons guard Brandon Jennings.

“WOW! Completing our Fibr AllStars is 1st Team All-League guard James Harden w Tyson Chandler & Brandon Jennings.Game na! #GilasLastHOMEStand,” pahayag kahapon ni businessman/sportsman Manny V. Pangilinan sa kanyang Twitter account na @IamMVP.

Kamakalawa ay kinumpirma ni Pangili-nan, pangulo ng Sama-hang Basketbol ng Pilipinas, ang pagkakabilang sa NBA Selection nina Indiana Pacers superstar Paul George at Terrence Ross ng Toronto Raptors.

Sina George at Har-den ay naging bahagi ng NBA pre-season game sa pagitan ng Pacers at Rockets noong nakaraang taon na inilaro sa Mall of Asia Arena sa Pasay City.

Kasama sa NBA Selection sina San Antonio Spurs forward at 2014 NBA Finals Most Valua-ble Player Kawhi Leo-nard, DeMar DeRozan at Kyle Lowry ng Toronto Raptors, Blake Griffin ng Los Angeles Clippers, Damian Lillard ng Portland Trail Blazers, Paul Pierce ng Washington Wizards at Houston Rockets’ rookie Nick Johnson.

Ang dalawang exhibition games sa NBA All-Stars ay bahagi ng preparasyon ng Gilas Pilipinas para sa FIBA World Cup sa Spain at sa Asian Games sa Incheon, Korea.

Kasalukuyang kuma-kampanya ang Nationals sa FIBA-Asia Cup sa Wuhan, China.