Baseball, volleyball sa psa forum

MANILA, Philippines -  Ang kampanya ng Phi­lippine Habagat baseball team at ang estado ng volleyball ang pag-uusapan sa PSA Forum  nga­yong umaga sa Shakey’s Ma­late.

Tatalakayin ng head coach at program director ng Philippine Habagat baseball team na si Mike Ochosa ang kanilang pag­­lahok sa PONY Asia Pa­cific Regional Qualifiers sa Korea kung saan  lalahok ang koponan sa 14-and-under at sasabak na­man sa 12-and-under sa Rizal Memorial baseball sta­dium.

Ang volleyball ay ka­­ka­tawanin naman ni da­ting sec­retary ge­neral Otie Ca­mangian sa ses­yon isina­saere sa DZSR Sports Radio 918 at iniha­handog ng Shakey’s at Phi­lippine Amusements and Gaming Corp.