Hindi pa nakaka-move-on ang Spurs

SAN ANTONIO – Kakaiba ang kilos ngayon ni San Antonio Spurs coach Gregg Popovich. Madaldal, nakakatawa ang mga kilos, may katagalan sumagot ng tanong at laging nag-iisip.

Madaling sabihin na hindi ito ang karakter ni Popovich, ngunit bago sa San Antonio Spurs coach ang sitwasyon at maski sa kanilang mga fans.

Halos 28 segundo na lamang ang layo ng Spurs para sa kanilang 5-for-5 record sa NBA Finals sa ilalim ni Popovich nang mauwi sa pagkakamali ang lahat.

Bumangon ang Miami Heat mula sa isang five-point deficit para makatabla at angkinin ang Game 6 sa overtime kasunod ang panalo sa Game 7.

At imbes na paghandaan ang kanilang victory parade sa San Antonio River, ibinuhos ng Spurs ang kanilang oras noong Sabado sa pamamagitan ng paglilinis ng kanilang lockers sa team practice facility.

“I don’t really want to do a soliloquy, but the elephant in the room is that we’re all hurting because we had an opportunity to win a championship right in the palm of our hands and it didn’t happen. So, that hurts, and it will dissipate over time, but right now it hurts everyone to varying degrees,” sabi ni Popovich. “I’ll be honest with you, when you saw the crowd, the first feeling I had was embarrassment. We wanted to bring it home for them so badly. Was just embarrassed that we didn’t get it done and then as you look at them all and they just keep cheering.”