Petecio umiskor ng ginto sa China Open

GUIYANG, China – Isang gold, dalawang silver at isang bronze medals ang inangkin ng PLDT-ABAP national boxing team mula sa kanilang kam­panya sa katatapos na Chi­na Open sa Guizhou gym.

Ang gintong medalya ay nagmula kay five-foot-three Nesthy Petecio ma­tapos umiskor ng isang una­nimous decision win laban sa 5’11 na si New Zea­land fighter Alexis Pri­tchard sa finals ng wo­men’s light weight division.

Natalo naman si Josie Gabuco kay Chinese bo­xer Xu Shiqi para sa pilak na medalya ng 26-anyos na tubong Palawan.

Bago matalo kay Xu ay sinibak muna ni Ga­buco si 2012 London Olym­pics silver medalist at three-time world champion na si Ren Cancan.

Ang isa pang pilak ay nanggaling kay Junel Can­tancio na natalo kay Via­cheslav Supinov ng Rus­­sia.

Nauna nang inangkin ni 2012 London Olympian Mark Anthony Barriga ang tanso nang mabi­go sa kanyang semifinals match.

Pinuri ni ABAP president Ricky Var­gas ang naturang mga bok­singero.

Ang iba pang miyembro ng koponan ay sina Rol­dan Boncales (flyweight), Nico Magliquian (ban­tamweight) at Dennis Galvan (light welterweight).

Ang mga tumayong coa­ches ay sina Pat Gaspi, Ro­el Velasco at Elias Recaido Jr.

Sa kabuuan ng torneo ay humakot ang China ng pitong gold medals ka­su­nod ang Kazakhstan (2) at Russia (2).