Boxing tatalakayin sa PSA Forum

MANILA, Philippines - Boxing ang pag-uusapan ngayon sa PSA Forum dahil mga top executives at representatives ng Association of Boxing Alliances of the Philippines (ABAP) at ALA boxing gym ang pa-nauhin sa sesyon ngayon sa Shakey’s Malate.

Darating si ABAP secretary-general Ed Picson sa public sports program na maririnig ng live sa DZSR Sports Radio 918 at hatid ng Shakey’s para ta-lakayin ang mga programa ng ABAP matapos muling mahalal si Ricky Vargas sa kanyang ikalawang term bilang presidente.

Sina reigning World Boxing Organization (WBO) minimumweight champion Merlito Sabillo at ang wala pang talong si Arthur Villanueva ay kasama ni ALA Boxing Promotions vice-president Dennis Canete na dadalo sa Forum na suportado rin ng Philippine Amusements and Gaming Corporation  para ibalita ang paboksing na gagawin sa Solaire Casino and Leisure Park sa July 6 na magsisilbing unang title defense ni Sabillo.

Hinihikayat ni PSA president Rey Bancod na dumalo ang mga members sa alas-10:30 ng umagang session.