PNG at NCRFA Invitationals sa PSA

MANILA, Philippines - Pag-uusapan ngayong umaga sa PSA Forum sa Shakey’s Malate ang Phi-lippine National Games at ang National Capital Region Football Association (NCRFA) Invitationals.

Ang PNG na nakatakda sa Mayo 25 hanggang Hunyo 2 sa Manila ay tatalakayin ni PSC commissioner Jolly Gomez.

Dadalo sa sports program na inihahandog ng Shakey’s at ng Philippine Amusements and Gaming Corporation sina Pasig City Mayor Robert Eusebio, NCRFA president Roland Tulay at Philippine Azkals member Misagh Bhahadoran.

Magiging bisita rin si Philippine Amateur Baseball Association (PABA) official Hector Thomas Navasero para pag-usapan ang Baseball Federation of Asia at ang International Baseball Association election.