Arum, Dela Hoya mahirap magkabati

MANILA, Philippines - Ang pagresolba sa si­galot nina Bob Arum ng Top Rank Promotions  at Oscar Dela Hoya ng Gol­den Boy Promotions ay parang paghahanap ng solusyon sa giyera sa Middle East.

Ito ang paglalarawan ni Cameron Dunkin, ang ma­nager ni unified world su­per bantamweight ruler No­­nito ‘The Fi­lipino Flash’ Donaire, Jr.

“Trying to get these guys together is like trying to solve the problems in the Middle East,” wika ni Dunkin sa sigalot nina Arum at Dela Hoya hinggil sa promosyon ng kani-kanilang mga boksingero.

Si Donaire  (31-1-0, 20 KOs), ang kasaluku­yang World Boxing Organization at International Bo­xing Federation super bantamweight champion, ay nasa kampo ng Top Rank, habang si Mares (25-0-1, 13 KOs), ang World Boxing Council titlist, ay nasa bakuran ng Gol­den Boy.

Sinabi ni Arum na ila­laban niya kay Donaire ang alaga rin niyang si Cu­ban World Boxing Asso­ciation titlist Guiller­mo Rigondeaux (11-0, 8 KOs).

Nasa listahan din si Vic Darchinyan (38-5-1, 27 KOs).