Pacquiao vs Mayweather, malabo na - Hatton
MANILA, Philippines - Naniniwala si dating world light welterweight titlist Ricky Hatton na hindi na mangyayari ang inaabangang salpukan nina Filipino world eight-division champion Manny Pacquiao at American world five-division king Floyd Mayweather, Jr.
Ito, ayon kay Hatton, ay dahilan na rin sa dala-wang kabiguan ni Pacquiao noong nakaraang taon kina Timothy Bradley, Jr. (split decision) at Juan Manuel Marquez (sixth round KO).
“I don’t think Mayweather vs Pacquiao will happen,†wika ni Hatton sa panayam ng ESPN. “Since Pacquiao got beat, it lost its sparkle. It’s a shame that they don’t want to fight each other.â€
Pinabagsak ni Pacquiao si Hatton sa second round para agawin sa Great Britain superstar ang suot nitong International Boxing Organization light welterweight title noong 2009.
Matapos ito ay nagrerito si Hatton bago nagdesis-yong bumalik noong Nobyembre ng nakaraang taon kung saan siya ay natalo kay Vyacheslav Senchenko ng Ukraine.
Pinabagsak din ni Mayweather si Hatton via tenth-round TKO noong 2007.
“You go in this sport to prove you’re best in the world, so you’d think they’d both be thinking ‘can I really beat you? ‘I think they should go 50/50 and just get it on,†sabi ng 34-anyos na si Hatton kay Pacquiao at sa 35-anyos na si Mayweather.
Itinakda na ni Bob Arum ng Top Rank Promotions sa Setyembre ang pang-limang paghaharap nina Pacquiao at Juan Manuel Marquez.
- Latest
