Lider ng NPA rebels timbog

MANILA, Philippines - Bumagsak sa pinagsanib na elemento ng  tropa ng militar at pulisya ang isang lider ng mga rebeldeng New People’s Army (NPA) sa isinagawang operasyon sa Brgy. Ginablan Occidental, Matnog , Sorsogon kamakalawa ng umaga. Kinilala ni Captain Mardjorie Paimela Panesa, Spokesperson ng Army’s 9th Infantry Division (ID), ang nasakoteng suspek na si Jesus Guelas alyas Ka Gapa/ Insoy, Commanding Officer ng Provincial Operational Command, Komiteng Probinsya (KOMPROB) Sorsogon at miyembro ng Bicol Regional Party Committee. Bandang alas-11:40 ng umaga ng masakote  ng pinagsanib na tropa ng Army’s 903rd Brigade at Sorsogon police si Guelas sa bisinidad ng nabanggit na barangay. Nakumpiska mula kay Guelas ang isang cal. 45 pistol, mga bala, isang magazine para sa Ingram, at isang Improvised  Explosive Device (IED). (Joy Cantos)