Boatwright swak sa Gilas Pilipinas
MANILA, Philippines — Pasok na pasok sa timpla ng Gilas Pilipinas si Bennie Boatwright na isinusulong ng Samahang Basketbol ng Pilipinas (SBP) upang maging naturalized player ng national team.
Itinuturing ni SBP president Al Panlilio si Boatwright na bigger version ni Justin Brownlee — ang kasalukuyang naturalized player ng Gilas Pilipinas.
Nasa bansa si Boatwright upang asikasuhin ang mga dokumento sa kanyang naturalization.
Nakipagkita na ito sa mga opisyales ng SBP kabilang na si Panlilio kasama sina Gilas head coach Tim Cone, team manager Richard del Rosario at SBP executive director Erika Dy.
“I told him [Boatwright] that he’s a bigger, younger version of Brownlee. He’s very excited to be chosen, to be part of the Gilas journey,” ani Panlilio.
Saludo ang SBP sa magandang ugali ni Boatwright na tumutugma sa kultura ng mga Pilipino.
Sariwa pa si Boatwright sa matagumpay na pagkopo ng kampeonato sa PBA Season 48 Commissioner’s Cup kasama ang San Miguel Beer.
Sa oras na maging naturalized player na si Boatwright, magiging kapalitan nito sina Brownlee at Angelo Kouame para sa mga FIBA international tournaments.
- Latest
