Lady Bulldogs asam ang finals spot
MANILA, Philippines — Desidido ang National University na makabalik sa finals ng UAAP women’s volleyball tournament.
Kaya inaasahang ilalabas nito ang lahat ng pangil sa oras na makaharap ang Far Eastern University sa Final Four ng Season 86 na papalo bukas sa Smart Araneta Coliseum.
Isang panalo na lamang ang kailangan ng Lady Bulldogs para masikwat ang unang silya sa best-of-three championship series.
Armado ang Lady Bulldogs ng ‘twice-to-beat’ advantage matapos makuha ang top seeding sa eliminasyon tangan ang 12-2 rekord.
Nasa No.4 naman ang Lady Tamaraws na may 9-4 marka.
Galing ang NU sa 25-21, 25-19, 25-22 panalo sa FEU sa huling araw ng eliminasyon.
Ayaw ni NU head coach Norman Miguel na umabot pa sa ‘do-or-die’ ang semis series ng kanyang tropa kontra sa Lady Tamaraws.
“Of course, having a twice-to-beat advantage is huge. But for us, we’re not looking at it that we have an advantage. We need to go all-out right away in Game to finish the game,” ani Miguel.
Kaya kayod nang husto ang Lady Bulldogs sa training para makuha ang finals spot.
- Latest
