Nuggets, Cavs; Knicks diretso sa 2-0 lead
DENVER — Isinalpak ni Jamal Murray ang step-back 15-footer kontra kay Anthony Davis sa pagtunog ng final buzzer sa 101-99 pagtakas ng nagdedepensang Nuggets sa Los Angeles Lakers at ilista ang 2-0 lead sa kanilang Western Conference first-round series.
Tumapos si Murray na may 20 points habang humakot si Nikola Jokic ng triple-double na 27 points, 20 boards at 10 assists para sa Denver na kinumpleto ang pagbangon mula sa 20-point second-half deficit.
Umiskor si Davis ng 32 points sa panig ng Los Angeles at may 26 markers si LeBron James kasunod ang 23 points ni D’Angelo Russell kasama ang career playoff-high na pitong triples.
Kinuha ng Lakers ang 68-48 bentahe sa third period bago nakatabla ang Nuggets sa 95-95 mula sa tres ni Michael Porter Jr. sa huling 1:15 minuto ng fourth quarter.
Sa Cleveland, bumanat si Donovan Mitchell ng 23 points habang humakot si Jarrett Allen ng 20 rebounds para banderahan ang Cavaliers sa 96-86 panalo sa Orlando Magic sa Game Two at kunin ang 2-0 lead sa kanilang first-round Eastern Conference series.
Sa New York, ipinasok ni Donte DiVincenzo ang triple sa huling 13 segundo sa 104-101 paglusot ng Knicks sa Philadelphia 76ers at iposte ang 2-0 lead sa kanilang first-round playoff duel.
- Latest
