Ginebra naghahanap ng kapalit ni Malonzo
MANILA, Philippines — Habang umiinit ang agawan para sa quarterfinals berth ay puwersado ang Barangay Ginebra na makahanap ng papalit sa posisyon ni injured forward Jamie Malonzo.
Bukod kay David Murrell ng Magnolia ay titingin din ang Gin Kings sa ilang players sa MPBL.
“I think we already put a claim in for David Murrell, and we are waiting to see if anybody else is going to pick him up,” sabi ni coach Tim Cone sa unrestricted free agent ng Hotshots. “We are looking for some guys from the MPBL that have gone there recently.”
Nagkaroon ang 6-foot-7 na si Malonzo ng calf injury sa huling segundo ng 95-88 panalo ng Ginebra sa NorthPort noong Abril 14.
Halos dalawang buwan hindi makakalaro ang 27-anyos na dating kamador ng La Salle Green Archers sa UAAP dahil sa kanyang calf injury.
“I don’t know what’s available to us. But we have eight days before we play on Saturday and I think we won’t play until Sunday after that,” ani Cone. “So we have 16 days over our next two games. We have to figure something out within the 16 days.”
Kasalukuyang nagdadala ang Gin Kings ng 6-3 record para sa third place sa ilalim ng quarterfinalist na San Miguel Beermen (7-0) at Hotshots (5-2).
Umiskor ang Ginebra ng 87-83 panalo sa TNT Tropang Giga noong Abril 19 at sunod na lalabanan ang Converge sa Abril 27.
- Latest
