‘Unqualified Opinon’ ng COA, nasungkit ng MMDA
Sa limang magkakasunod na taon
MANILA, Philippines — Muling nakakuha ng unqualified opinion ang Metropolitan Manila Development Authority (MMDA) mula sa Commission on Audit (COA), na nagmarka ng limang sunod na taon na nakamit ng ahensya ang positibong audit findings.
Sinabi ni MMDA Acting Chairman Don Artes ang kanyang pasasalamat sa COA para sa pinakabago at pinakamataas na rating ng pag-audit para sa fiscal year 2023, na itinatampok ang mga pagsisikap ng ahensya sa pagpapatupad ng mga reporma sa proseso ng badyet, paggasta, at pag-uulat ng pera habang patuloy na pinapabuti ang kalidad ng mga serbisyo nito.
“I would also like to express my gratitude to the MMDA officials and employees for their diligent efforts in ensuring the efficient implementation of the agency’s services for the public’s benefit,” aniya pa.
Sa kopya ng Independent Auditor’s Report na nai-transmit ng COA sa MMDA, binanggit ang “in our opinion, the accompanying financial statements present fairly, in all material respects, the financial position of the MMDA as of December 31, 2023, and its financial performance, changes in net assets/equity, cash flows, and the comparison of budget and actual amounts for the year then ended in accordance with International Public Sector Accounting Standards (IPSASs).”
“We believe that the audit evidence we have obtained is sufficient and appropriate to provide a basis for our opinion,” saad pa ng report.
Upang mapanatili ang pagiging pare-pareho nito sa pagbibigay ng mahusay na serbisyo, patuloy na isinusulong ng ahensya ang mga proyekto, tulad ng MMDA Communications and Command Center (CCC), Motorcycle Riding Academy, at ang pagpapatupad ng Single Ticketing System na nakahanay sa Metro Manila Traffic Code.
- Latest