Miyembro ng ‘basag kotse’ gang timbog
![Miyembro ng �basag kotse� gang timbog](https://media.philstar.com/photos/2024/08/15/2_2024-08-15_23-32-07.jpg)
MANILA, Philippines — Isang lalaki na hinihinalang miyembro ng ‘basag kotse’ gang ang dinakip nang makunan ng CCTV na binabasag ang bintana ng nakaparadang kotse at tangayin ang aabot sa P60,000 halaga ng mga personal na gamit ng isang negosyante sa Quezon City kamakailan.
Kinilala ni National Capital Region Police Office (NCRPO) Director PMaj. Gen. Jose Melencio Nartatez Jr., ang suspek na si Sonny Caro, 36.
Napag-alaman na humingi ng tulong ang 29-anyos na negosyante na may-ari ng Toyota Fortuner sport utility.
Nabatid na nagsagawa ng follow-up operations ang pulisya matapos makunan sa CCTV na binabasag ng suspek ang kaliwang bintana ng SUV na nakaparada sa F. Carlos St., Barangay Bahay Toro, bandang alas-8:40 ng gabi.
Agad na naaresto sa operation ang suspek.
Natangay ng suspek ang P33,000 cash gayundin ang mga sapatos, cell phone at sunglasses na nagkakahalaga ng P27,000.
Inihahanda na ng kasong theft laban sa suspek.
- Latest