Aquino baka bigyan din ng special power
MANILA, Philippines – Maaaring makakuha si Pangulong Benigno Aquino III ng special power na hinihingi niya sa Kongreso para maharap niya ang napipintong kakulangan sa kuryente sa susunod na taon pero hindi isasama sa awtoridad ang pag-lease ng modular generator sets.
Ito ang nabatid kay House Committee on Energy Chairman Rep. Rey Umali na nagsabing, “bibigyan namin ang Presidente ng emergency power na magpapahintulot sa kanya na makipagkontrata ng additional capacity puwera ang option of leasing.”
Limitado anya ang kapangyarihan sa ibang option tulad ng tinatawag na Interruptible Load Program (ILP) at suspension ng required permit para sa dagdag na generating capacity na mailalaan sa Marso 2015.
Sinabi pa ni Umali na ang kahilingan ay maaaring aprubahan ng House of Representatives sa loob ng isang buwan o dalawang linggo pagbalik ng Kongreso sa sesyon sa Nobyembre 17.
- Latest
