Sanya, nambasted ng mga basketbolista!

Nilantad ng Kapuso actress na si Sanya Lopez na marami pala siyang mga naging manliligaw na basketball players.

Marami ang nawindang sa kanyang rebelasyon nang ma-hot seat siya sa programang Sarap, ‘Di Ba?.

Inamin niya sa hosts ng programa na sina Carmina Villarroel, Cassy at Mavy Legaspi na madalas basketball players ang mga nanligaw sa kanya noon pero ngayon naman daw ay walang nanliligaw sa kanya.

Natanong din sa kanya kung meron ba siyang manliligaw sa NCAA o National Collegiate Athletics Association pero diretsahan naman niyang sinagot ito na wala raw na kahit ano.

Maaalalang natukso ang aktres nakaraang taon sa star player ng College of St. Benilde na si AJ Benson pero sinabi ng First Yaya actress nang natatawa ay hindi raw iyon.

Nang tanungin ni Carmina na kung galing sa PBA, sumagot naman si Sanya ng “Sino po ba doon?” na ang ibig sabihin ay hindi lang isa.

Kaya naman marami lalo ang na-curious kung sino nga ba itong mga basketbolista na ito na nanligaw at nabasted ng aktres.

Marami na talaga ang excited para sa love life ng kapatid ni Jak Roberto lalo na ngayong handang-handa na raw siya. Bongga.