Team Philippines sumagwan ng 3 ginto, 1 pilak sa Thailand

MANILA, Philippines — Sumagwan ang Team Philippines ng tatlong gold at isang silver medal sa katatapos lamang na Asian Rowing Beach Sprint Championships sa Jomtien Beach sa Pattaya, Thailand.

Ang mga gintong me­dalya ay nagmula kina Emman Pillar sa Under-16 Coastal Men’s Solo, Ayonna Huerto at Khayzie Ca­viltes sa Under-19 Coastal Women’s Double Sculls at Pillar at Kyle Olano sa Under-16 Coastal Men’s Double Sculls.

Ang pilak ay ambag ni Matt Jugadora sa Under-19 Coastal Men’s Solo.

Ipinagdiwang ni Philippine Sports Commission chairman at dating Philippine Rowing Association president Patrick ‘Pato’ Gregorio ang tagumpay ng mga national rowers.

Si Gregorio ang gumabay kina Pillar at Jugadora nang siya pa ang namumuno sa rowing association.

“They are the treasures of the Philippine seas,” wika ni Gregorio. “They are sons of fishermen. They are our grassroots rowers from Ternate, Cavite.”

Ang beach sprint ro­wing ay mabilis na sumisikat na sport na iba sa format ng traditional rowing.

Sa beach sprint rowing ay pinagsasama ang beach running, open-water ro­wing, buoy turns at sprint racing na bagay na bagay sa mga Pinoy, ayon kay Gregorio.

Masigasig si Gregorio sa pagpapalakas sa grassroots program ng PSC at pagdiskubre ng mga talento na direktiba ni President Ferdinand Marcos Jr. bilang “From Grassroots to Gold. From Gold to Greatness.”

“We are looking at future Olympians in Pillar and Jugadora,” wika ni Gregorio sa itinuring niyang “treasures” mula sa Ternate na maaaring makasama sa mga Filipino rowers sa Olympics.