C-Stan, Pringle sasakay sa Dyip
![C-Stan, Pringle sasakay sa Dyip](https://media.philstar.com/photos/2024/07/13/stan_2024-07-13_23-54-45.jpg)
Holt, go sa Gin Kings
- MANILA, Philippines — Kasado na ang isang blockbuster trade na gumulat sa lahat isang araw bago ang PBA Annual Rookie Draft na idaraos ngayon sa Glorietta Activity Center.
Itrinade ng Barangay Ginebra sina veteran players Christian Standhardinger at Stanley Pringle sa Terrafirma kapalit nina top rookie Stephen Holt at slotman Isaac Go.
Nagpasalamat si Standhardinger sa Ginebra na naging tahanan nito sa nakalipas na mga taon.
“I acknowledge Coach Tim’s decision to trade me and respect it. It’s part of the game, and I wish him and the team all the best moving forward,” aniya.
Pormal nang naikasa ang trade kahapon.
Kasama sa napagkasunduan ang pagkuha ng Gin Kings sa No. 3 pick na pag-aari ng Terrafirma sa gaganaping Rookie Draft.
Sa kabilang banda, mapupunta naman sa Dyip ang No. 10 pick sa first round ng Gin Kings.
Malaking tulong sa Gin Kings ang pagpasok nina Holt at Go kasama pa ang makukuhang rookie sa draft lalo pa’t nawala sa lineup nito si Gilas Pilipinas standout Jamie Malonzo na may iniindang injury.
Hindi makalalaro si Malonzo dahil sa nagpapagaling pa ito sa injury na nakuha nito sa Philippine Cup.
Tagilid pa rin si point guard Scottie Thompson na may back injury.
Matatandaang hindi nakasama sina Malonzo at Thompson sa Gilas Pilipinas na sumabak sa FIBA Olympic Qualifying Tournament sa Riga, Latvia kamakailan.
Nangunguna sa listahan sa rookie draft sina Justine Baltazar at Sedrick Barefield na posibleng makuha sa unang dalawang puwesto.
Kaya naman posibleng hugutin ng Ginebra ang mga rookie guards na sina RJ Abarrientos, Dave Ildefonso at Evan Nelle.
- Latest