Azkals sasagupa sa Bahrain

Laro Ngayon (Bahrain National Stadium)

6:30 p.m. (11:30 p.m. Manila time) – Bahrain vs Philippines

MANILA, Philippines – Susubukan ng Philippine Azkals ang kanilang bagong sistema sa interna­tional friend­ly match laban sa Bah­rain ngayong alas-6:30 ng gabi (11:30 ng gabi sa Manila) sa Bah­rain National Stadium sa Manama.

Gusto ni coach Tho­mas Dooley na maglaro ang Azkals na may tatlong defenders sa kanyang 3-4-3 attacking forma­tion na nagiging 5-4-1 sa de­pensa.

Ito ay taliwas sa dating 4-4-2 o 4-3-3 systems ng Azkals.

Sa kanyang bagong sis­tema, sinabi ni Dooley na mas makokontrol ng mga Pinoy booters ang po­sesyon na makakatulong sa kanila sa pagsabak sa da­rating na FIFA World Cup qualifiers sa Hunyo.

Nagmula naman ang mga Bahrainis sa 0-6 ka­bi­guan sa Colombia no­ong nakaraang Huwebes.

Nauna nang nagtabla ang Azkals at ang Bahrai­nis sa 0-0 noong 2012.

“A win will be a good re­sult, but we’re more in­terested at looking at how we play the system and the patterns that will evolve from it,” ani team ma­nager Dan Palami.

Hindi makakalaro pa­ra sa Azkals si Fil-British Neil Etheridge matapos ang isang aksidente.

Si Fil-German Roland Muller ang papalit sa kanya sa pagdedepensa sa goal katuwang sina Fil-Spanish defender Alvaro Silva, Juani Guirado at Amani Aguinaldo.

Nasa backline naman ng koponan sina Phil Younghusband at Patrick Reichelt.