Top Two seat puntirya ng Gems sa pagharap sa Bakers sa D-League

MANILA, Philippines - Nananalig si Café Fran­ce head coach Edgar Ma­­ca­raya na maibabalik agad ng kanyang mga alipores ang kanilang win­ning form upang ma­natiling palaban para sa unang dalawang puwesto sa pagharap sa Cebuana Lhuillier sa PBA D-Lea­gue Foundation Cup nga­yon sa Yñares Sports Are­na sa Pasig City.

Ang laro ay matutunghayan sa ganap na alas-2 ng hapon at ang Bakers na galing sa 50-55 pagkatalo sa Boracay Rum sa huling asignatura ay magbabalak na kunin ang ikaanim na pa­nalo sa siyam na laro upang manatiling nakadi­kit sa NLEX (5-2) na nagsosolo sa mahalagang ikalawang puwesto sa team standings.

Diretsong aabante sa semifinals ang mga ko­po­nang uupo sa unang dalawang puwesto, habang ang apat na koponan na ku­kunin ang ikatlo hanggang ikaanim na puwesto ay maglalaro sa quarterfinals.

Hindi maaaring biruin ng Bakers ang Gems dahil habol nila ang puwesto sa quarterfinals.

May 4-4 karta ang Gems para makasalo ang Ca­gayan Valley at Big Chill para sa ika-pitong pu­westo, kapos ng kalahating laro sa nasa ika­anim na Fruitas at EA Re­gens (4-3).

Ang Shakers ay makakaharap ang Informatics sa unang laro sa alas-12 ng tanghali at pa­boritong wakasan ang tatlong dikit na kabiguan.

Ang banggaan ng Big Chill at Jumbo Plastic ang mangyayari sa alas-4 ng ha­pon.