Butler mainit ang pagbabalik sa Heat
MIAMI — Kumamada si Jimmy Butler ng season-high 30 points sa kanyang pagbabalik mula sa sprained ankle injury para tulungan ang Heat sa 106-89 pagsunog sa Philadelphia 76ers.
Nagdagdag si Tyler Herro ng 18 markers para sa Miami (6-7) mula sa isang 19-point deficit para resbakan ang Philadelphia (2-11).
Umiskor si Duncan Robinson ng 13 at may 10 markers si Dru Smith para sa Heat na umiskor ng 35 points sa third period at nilimitahan ang 76ers sa 16 markers.
Pinamunuan ni Jared McCain ang Philadelphia sa kanyang 20 points habang may 18 markers si Paul George kasunod ang 12 points ni dating Miami forward Caleb Martin.
Naglista si Joel Embiid ng 11 points sa loob ng 31 minuto sa kanyang ikatlong laro para sa 76ers.
Sa Milwaukee, isinalpak ni Damian Lillard ang isang driving layup sa huling 3.9 segundo sa 101-100 pagtakas ng Bucks (5-9) sa Houston Rockets (10-5).
Sa Phoenix, bumira si Franz Wagner ng 32 points sa 109-99 pagdaig sa Orlando Magic (9-6) sa Suns (9-6).
- Latest
