Alden, parang nanaginip

“Parang panaginip,” ang sabi ni Alden sa kanyang nararam­daman na finally, after 5 years ay tuloy na ang sequel ng Hello,Love, Goodbye na first movie nila ni Kathryn Bernardo.

Nagkaroon na ng formal announcement via New Movie Alert ng Star Cinema last Sunday para sa nasabing sequel na may titulong Hello, Love Again at ididirihe pa rin ni Cathy Garcia-Sampana.

“Hindi po kami makapaniwala na finally, it’s happening. It’s happening this year and we couldn’t be more excited po on what’s about to unfold in the next couple of months,” sey pa ni Alden.

Inamin din ni Alden na talagang hinintay niya at pinangarap niya ito for the past five years.  “’Inintay ko rin siya. Kung baga, after seeing the film over and over again, natulog ng. . .’yung pangarap na ‘yun, nasa puso ko lang in the past 5 years. So, finally nga, ‘eto nga, dreams do come true talaga,” saad ng Asia’s Multimedia Star.

Pinatunayan naman ito ni Direk Cathy dahil matagal na raw siyang kinukulit ni Alden tungkol sa part 2 ng HLG.

Ayon naman kay Kathryn, hindi raw niya in-expect na magkakaroon ng sequel ang first movie nila ni Alden at sinabi lang daw ito sa kanya this year.

“I was surprised, too. But then, I got really excited. You know, just the usual na alam natin kung gaano kahirap na gumawa ng sequel. Kasi for me, hindi ko naman in-expect na magkakaron ng sequel itong ‘Hello, Love, Goodbye,’” sey ng aktres.

Aniya pa, supposedly, after her last film na “A Very Good Girl” last year, ang gagawin niya sana ngayong taon ay “Elena.”

“But then, may mga kailangan pang paghandaan for ‘Elena’ and then, ‘yan, nangyari, and naging totoo,” aniya.

“It feels very familiar but at the same time, it’s different this time because it’s been 5 years. And 5 years is such a long time,” patuloy ni Kath.

Sey naman ni Alden, “ang dami nang nangyari.”

Saad ulit ng aktres, “yeah, I’ve changed, I think, we all did. Lahat tayo nagbago. And I’m just curious kung ano ‘yung mabibigay namin this time around.

“Because when we shot HLG, I was 23 and then now, I just turned 28. So, ‘yung 5 years na ‘yun, anon’g nangyari sa growth namin personally, and of course kung ano naman ‘yung magiging growth when it comes to Ethan and Joy (karakter nila sa HLG).”

Sa huli ay sinabi ni Alden na na-miss niya sina Kath, Direk Cathy at buong team ng HLG.

“I couldn’t be happier today kasi this gave me another motivation, you know. ‘Yung gigising ka sa umaga na mayroon kang nilu-look forward,” ani Alden.

Nagsigawan naman at tila kinilig ang mga tao sa sinabi ng aktor.

Sabi naman ni Kathryn, kagabi pa raw siya kinakabahan at hindi niya alam kung bakit. Pero sobrang excited na raw siya sa pagsisimula ng shooting very soon.

“We thought we already said our goodbyes but here we are, saying our hellos,” masayang wika ni Kath.

Inanunsyo rin na sa November ipalalabas ang pelikula at ito ang first collaboration ng Star Cinema and GMA Pictures.