Pinoy pugs kakasa sa 2nd Olympic qualifiers
MANILA, Philippines — Pukpukan na ang preparasyon ng national boxing team para sa huling Olympic qualifying tournament na idaraos sa Mayo 23 hanggang Hunyo 3 sa Bangkok, Thailand.
Nasa matinding pagsasanay na sina Rogen Ladon, Criztian Pitt Laurente at Hergie Bacyadan na maghahanda sa USA Boxinf Multi-Nation Camp sa Denver, Colorado.
Sa kabilang banda, mananatli sa Pilipinas si Tokyo Olympics silver medalist Carlo Paalam.
Nagpapagaling pa si Paalam sa injury na tinamo nito sa unang Olympic qualifying tournament sa Italy kamakailan.
Una nang umabante si Tokyo Olympics bronze medalist Eumir Marcial na nakahirit ng tiket sa Paris Games matapos ang kanyang silver-medal finish noong 19th Asian Games sa Hangzhou, China noong nakaraang taon.
Nakasiguro rin ng puwesto sa Paris sina Tokyo Olympics silver medalist Nesthy Petecio at Aira Villegas sa unang qualifying event sa Italy.
Maliban kina Marcial, Petecio at Villegas, hahataw din sina pole vaulter EJ Obiena ng athletics, world champion Carlos Yulo at Aleah Finnegan ng gymnastics, at weightlifters Elreen Ando, John Ceniza at Vanessa Sarno.
- Latest
