2024 National Milo Marathon Mandaue naglangkob sa tri-city pilot leg

CEBU, Philippines — Sa labing unang higayon, ang National Milo Marathon mopahigayon og tri-city pilot leg diin ang pasiuna nilang lumba ning tuiga mosikad sa tulo ka nagkadaiyang mga dakbayan nga mao ang Laoag, Batangas, ug Mandaue karong Abril 7.

Gibana-bana nga moabot ngadto sa 60,000 ka mga runners ang moapil sa maong sadya ug makalingaw nga kalihukan ilabi na kay mao pa ang pagbalik niini human mahunong sud sa   lima ka tuig tungod sa pandemiya.

"This start of the season marks a significant milestone for us at Milo  as we celebrate our 60th year in the Philippines," matud pa ni Milo Sports head Carlo Sampan atol sa usa ka press conference niadtong Miyerkules, Marso 13, didto sa Bai Hotel. "We are very excited to welcome Filipinos to the National Milo Marathon and witness their show of grit, determination, and discipline that will surely be the foundation to accelerate their journeys to success."

Sa iyang bahin, ang Cebuana marathon queen ug Olympian nga si Mary Joy Tabal, nga maoy gitahasan pagpadagan sa Milo leg, gibati og tumang kalipay nga mabalik na sa iyang dapit ang gikahinaman nga karera.

"We are very excited to be opening the doors to our Visayan runners," paambit pa ni Tabal, nga nagkupot og rekord human nakampiyon sa National Milo Marathon sud sa unom ka sagunson nga higayon.

Nahimo kining taytayan ni Tabal aron makasalmot sa mga dakong marathon apil na didto sa Paris, Boston, ug Ottawa hangtud nga siya mikulit og kasaysayan isip labing unang Pinay Olympic marathoner niadtong 2016 Rio Olympics didto sa Brazil.

"The National Milo Marathon has always been a breeding ground for local talents like me to see the global stage. It's where I flourished and became who I am today.

As the organizer of the Mandaue race, I aim to pay it forward, ensuring a memorable and enjoyable event where everyone can excel and pursue their goals in sports or in life," dugang pa ni Tabal.

Sa laing bahin, ang  kagamhanan sa dakbayan sa Mandaue mipadayag sa hugot nilang suporta ning lumba sa dagan nga gipaabot makahakot og 15,000 ka mga entrante.

 The City of Mandaue is excited to host the inaugural race of the National Milo Marathon.We look forward to extending our warm hospitality to all runners joining the event," dason pa ni Mayor Cortes.

Human sa pilot race sa Laoag, Batangas, ug Mandaue, ang karera ipahigayon sunod didto sa Manila (Abril 28), Puerto Princesa (Mayo 12), Legazpi (Hunyo 2), Cavite-Vermosa (Septiyembre 22), Tagbilaran (Septiyembre 29), Roxas (Oktubre  6), Iloilo (Oktubre 20), Bacolod (Oktubre 27), General Santos (Nobiyembre 10), Davao (Nobiyembre 17) ug Tarlac (Nobiyembre 24). Ang National Finals gikatakda sa Disyembre 1 didto sa Cagayan de Oro.  Kadtong mga interesadong mosalmot mahimong magparehistro online pinaagi sa https://www.milo.com.ph/national-milo-marathon.